Bakıda ölümlə nəticələnən daha bir yol-nəqliyyat hadisəsi baş verib. Lent.az-ın məlumatına görə, Bakı-Ələt magistralının 26-cı kilometrliyində, Qaradağ rayonu ərazisində "Mercedes" və "Opel" markalı iki avtomobil toqquşub. Nəticədə 1 nəfər hadisə yerində dünyasını dəyişib, daha 1 nəfər isə ağır xəsarət alıb.
Faktla bağlı Baş Dövlət Yol Polisi İdarəsində cinayət işi açılıb, araşdırma aparılır.
