Ölkə dərsliklərində olan bir sıra materiallar cəmiyyət arasında birmənalı qarşılanmır. 8-ci sinif dərsliyində şagirdlər üçün təqdim olunan tapşırıqda küçə jarqonu ilə dolu ifadələr sosial şəbəkələrdə tənqid hədəfinə çevrilib.
Hafta.az-a açıqlama verən təhsil eksperti Etibar Əliyev bildirdi ki, bu gün dərsliklərin bir çox sahələrində ciddi problemlər müşahidə olunur:
“Dərsliklərdə səhvlər o dərəcədə çoxalıb ki, artıq jurnalistlər, hətta şagirdlərin özləri belə dərsliklərdəki qüsurları görə bilirlər. Riyaziyyat, İnsan və Cəmiyyət dərsliklərində çox biabırçı səhvlər rast gəlinir. İşin maraql tərəfi budur ki, dərsliklər çapa getməzdən öncə bir neçə mərhələdən keçir. Amma yenədə bu səhvlər olur.
Qiymətləndirmə Şurası dərslikləri qiymətləndirir, redaktə və korrektə işinə baxır. Çap olunduqdan sonra Tələbə Qəbulu Üzrə Dövlət Komissiyası bunun monitorinqini aparır. Əgər səhv olursa bunlar Təhsil Nazirliyinə təqdim olunur, bütün bunlara baxmayaraq ortaya ideal dərslik çıxara bilmirlər. Maraqlı burasıdır ki, yazılan bu dərsliklərin müəllifləri akademiklər, nüfuzlu şəxslərdi. Bir çox qurumlar bu akademiklərin nüfuzlarından çəkinərək onların yazdığı nəyisə dəyişmək istəmirlər, ona görə də ortaya belə zay məhsullar çıxır.Beləliklə, zay dərsliklərin arxasında akademik nüfuz dayanır
Göründüyü kimi, artıq bu dərsliklər cəmiyyət içərisində məsxərə obyektinə çevrilib. Nöqsanlar şagirdlərin, valideyinlərin tənqidinə tuş gəlir. Dərsliklərdə növbəti səhvlərin buraxılmaması üçün müəlliflərə konkret vaxt verilməlidir. Onlaraın qüsurları özlərinə deyilməlidir, bu şəxslər növbəti dəfə də bu tip səhvlərə yol versələr onlar dərslik yazmaqdan kənarlaşdırılmalıdılar”.
Sözü gedən, 8-ci sinif dərsliyində şagirdlər üçün təqdim olunan zay tapşırığın rəsmini sizə də təqdim edirik
