Müğənni Tacir Şahmalıoğlu “Qardaş” adlı yeni mahnısını sevənlərinin ixtiyarına verib.
Axşam.az-ın məlumatına görə, sənətçi bəstəni ötən ay dənizdə bataraq, dünyasını dəyişən qardaşı Mahir Allahverdiyevə həsr edib.
Qeyd edək ki, M.Allahverdiyev Tacir Şahmalıoğlunun ən kiçik qardaşıdır. İyulun 31-i M.Allahverdiyev və digər 2 nəfər Novxanı çimərliyində skuter ilə dənizə çıxıblar. Məlum olmayan səbəbdən skuter aşıb. Hadisə nəticəsində 36-yaşlı M.Allahverdiyev batıb. Digər iki nəfərdən fərqli olaraq, onun üzərində xilasedici jiletin olmadığı bildirilib.
