“Yeni Azərbaycan Partiyasının parlament seçkilərində iştirak edəcək namizədlərinin siyahısı onu göstərdi ki, qurumda partiya daxili islahatlar başlayıb”
Bunu Hafta.az-a verdiyi açıqlamasında politoloq Qabil Hüseynli deyib.
Politoloqun sözlərinə görə, YAP-da bir sıra gənc namizədlərin varlığı partiyanın xeyrinə olan amillərdən olacaq:
“Baş verənlər partiya daxilində davam edən islahatların məntiqi davamıdır. Amma bu o anlama gəlmir ki, islahatlar Milli Məclis səviyəsində olub. Bu bir partiyanın daxilində gedən prosesdir. Yeni Azərbaycan Partiyası islahatlara doğru cəsarətli addım atdı. Baş verənləri partiya sədri İlham Əliyevin son zamanlar apardığı islahatların davamı kimi də qiymətləndirmək olar. Hesab edirəm ki, YAP daxilində islahatlar bundan sonra da davam edəcək”.
