Bu gün səhər saatlarından başlayaraq Bakı şəhərinin əsas yol və prospektlərində nəqliyyatın hərəkətində sıxlıq müşahidə olunur.
Nəqliyyatı İntellektual İdarəetmə Mərkəzindən (NİİM) AzVision.az-a verilən məlumata görə, hazırda Sumqayıt-Bakı yolunda böyük tıxac müşahidə olunur.
Bununla yanaşı, Yusif Səfərov küçəsində (Mərkəzi Neftçilər Xəstəxanası qarşısında), Ə.Əliyev küçəsi, K.Rəhimov küçəsi, Moskva prospekti, Z.Bünyadov prospekti, İnşaatçılar prospekti, Tbilisi prospekti (şəhər mərkəzi istiqamətində) və Azadlıq prospektində (hər iki istiqamətdə) nəqliyyat vasitələrinin hərəkətində çətinliklər yaranıb.
AzVision.az-ın əməkdaşı da bildirir ki, hazırda Bakı-Sumqayıt yolunda tıxac var. DYP əməkdaşları yollarda vəziyyəti tənzimləməyə çalışır. Bildirilir ki, sürücülər yağmurlu hava şəraitində sürəti azaltması səbəbindən yollarda sıxlıq müşahidə edilir.
