Yeni Azərbaycan Partiyasının (YAP) İdarə Heyətinin bugünkü iclası başa çatsa da, hələ ki deputatlığa namizədlərin siyahısı açıqlanmayıb. Ölkə ictimaiyyətinin seçki prosesini izləyən kəsimi isə böyük maraqla YAP-ın seçki siyahısını gözləyir.
Bununla bağlı Modern.az-a açqılama verən YAP-ın icra katibinin müavini, deputat Siyavuş Novruzov bildirib ki, siyahı tezliklə sayta qoyulacaq:
“Partiyanın saytını izləyin, yaxın saatlarda siyahı sayta qoyulacaq. Bu gün kimlərin deputatlığa namizəd olacağı bəlli olacaq”.
YAP hazırda Milli Məclisdə təmsil olunan deputatlarının əksəriyyətinin siyahı üzrə yenidən namizədliyini irəli sürüb. Namizədlikləri irəli sürülməyənlər əsasən rektor deputatlardır. Siyavuş Novruzovun sözlərinə görə, hazırkı deputatlardan 80 faizinin - 53 nəfərinin namizədliyi yenidən irəli sürülüb. YAP 7 dairədən namizəd irəli sürməyib.
