Yenicə əhalinin istifadəsinə verilmiş Bakı-Sumqayıt elektrik qatarları hələ bir müddət də sumqayıtlılara pulsuz xidmət göstərəcək. Sumqayıtdan Bakıya yola düşən qatarlar sərnişinləri pulsuz daşıyacaq. Bakıdan Sumqayıta qayıtdıqda isə sərnişinlər 80 qəpik pul ödəməlidirlər.
Qatarların Sumqayıtdan pulsuz işləməsi stansiyadakı işlərin hələ ki, başa çatmaması ilə əlaqədardır. Belə ki, stansiyada turniketlər quraşdırılsa da hələ ki, işlək vəziyyətə gətirilməyib.
Xatırladaq ki, Bakı-Sumqayıt qatarları bu gündən etibarən rəsmən fəaliyyətə başlayıb. Bundan əvvəlki günlərdə isə sınaq məqsədi ilə iki şəhər arasında hərəkət edirdi. Qatarların Sumqayıtdan Bakıya çatmaq vaxtı kimi 40 dəqiqə göstərilsə də, hələlik vəd edilən vaxtda çata bilmir. Bu gün səhər 07:55-də Sumqayıtdan çıxan qatar 45 dəqiqəyə Bakıya çatıb/milli.az/.
