“Kimin hansı dairədən namizəd olacağını özü və təmsil olunduğu qurum müəyyən edir”.
Hafta.az-ın verdiyi xəbərə görə, bu sözləri Müsavat Partiyasının 43 saylı Sumqayıt üçüncü seçki dairəsindən namizədi İkram İsrafil deyib.
Müsavat Partiyasının namizədinin sözlərinə görə, qeyd olunan dairədə onun əsas rəqiblərindən olan KXCP sədri Mirmahmud Mirəlioğlu ilə yaxın günlərdə görüşməyi planlaşdırır:
“Mənim Mirmahmud bəyə böyük hörmətim var. Bu şəxs həm mənim, həm də partiyamızın dostudur. Sözsüz ki, seçkidə iştirak edən hər bir şəxs istənilən halda namizədliyini öz istəyi ilə irəli sürməkdə sərbəstdir. Məndə olan xəbərə görə, Mirmahmud Mirəlioğlu təsadüfən bu dairədən namizəd olub. Biz bununla bağlı heç kimə, ya da kimsə namizədliyimizlə bağlı bizə irad bildirə bilməz. Mən yaxın günlərdə Mirmahmud bəylə görüşərək bu məsələni müzakirə edəcəm. Böyük ehtimalla biz Mirmahmud Mirəlioğlu ilə rəqib olmayacıq, ya mən, ya da o, başqa dairədən namizəd olacaq”.
