Rusiya prezidenti Viladimir Putin bu ilin sonunadək (İranda il martın 21-də dəyişir) İrana səfər edəcək.
Bu barədə İran xarici işlər nazirinin müavini və bu ölkənin Xəzər məsələləri üzrə xüsusi nümayəndəsi İbrahim Rəhimpur məlumat verib.
MEHR agentliyi verdiyi məlumata görə, nazir müavini deyib ki, səfərin baş tutması üçün danışıqlar aparılır: “Hələlik dəqiq tarix müəyyən edilməyib. Ikitərəfli əlaqələrin inkişafı gündəlikdədir və əlaqələrin daha da inkişaf etdirilməsi üçün sənədlər hazırlanır. Səfərin ilin sonunadək baş tutması gözlənilir”.
