Noyabrın 1-də keçiriləcək parlament seçkiləri ilə bağlı yerli və xarici şirkətlər arasında exit-poll üçün müraciət edənlər olubmu?
Bununla bağlı Mərkəzi Seçki Komissiyasının mətbuat xidmətindən Modern.az-a verilən məlumata görə, hələlik exit-poll keçirtmək niyyəti ilə bağlı MSK-ya müraciət olunmayıb.
“Parlament seçkiləri ilə əlaqədar olaraq exit-poll keçirmək niyyətində olan təşkilatlar tərəfindən səsvermə gününə 20 gün qalmışadək akreditasiyadan keçmək barədə MSK-ya yazılı müraciət təqdim olunur. Hər bir yazılı müraciətə onun daxil olduğu gündən başlayaraq 10 gün müddətində MSK tərəfindən baxılır, müraciətin təqdim olunma səbəbləri araşdırılır və müvafiq təşkilatın akkreditasiyadan keçməsi barədə əsaslandırıcı qərar qəbul edilir”.
