Ukraynanın 2016 Avropa Çempionatı təsnifat mərhələsndə Belarusu 3-0 məğlub etməsi ölkədə sevinclə qarşılanıb. Zaporojye şəhərindəki Lenin heykəlinə Ukrayna milli komandasının forması geyindirilib.
FaktXəbər-in məlumatına görə, ölkənin bir çox şəhərindəki Lenin heykəllərinin sökülməsinin ardından Ukraynadakı ən böyük Lenin heykəlinin yerləşdiyi Zaporojyede toplanan bir qrup azarkeş, Lenin heykəlinə Ukrayna milli formasını geyindirib və heykəlin əlinə də sarı rəngli milli komanda şərfi taxılıb.
Komandaların Belarus qarşısında aldığı qalibiyyəti bayram edən azarkeşlər, Ukraynanın Slovakiya ilə oynayacağı matç ərəfəsində milli komandalarına ruh vermək istədiklərini dilə gətiriblər.
