Avropa Liqasının qrup mərhələsində mübarizə aparacaq Azərbaycan klubları - "Qarabağ" və "Qəbələ"nin ev oyunlarının vaxtı dəqiqləşib.
AzVision.az “UEFA”-nın rəsmi saytına istinadən xəbər verir ki, hər iki komandamızın bir ev oyunu yerli vaxtla saat 20:00-da başlayacaq.
"Qəbələ"nin III turda Almaniyanın "Borussiya" (Dortmund), "Qarabağ"ın isə IV turda Fransanın "Monako" klubları ilə qarşılaşmaları əvvəlcədən nəzərdə tutulduğu kimi 22:00-da deyil, saat 20:00-da başlayacaq. Bu oyunlar müvafiq olaraq 22 oktyabr və 5 noyabr tarixlərində keçiriləcək.
"Qəbələ"nin PAOK (Yunanıstan) və "Krasnodar" (Rusiya), "Qarabağ"ın isə "Anderlext" (Belçika) və "Tottenhem" (İngiltərə) ilə ev oyunları isə saat 22:00-da başlayacaq.
