Nəqliyyat Nazirliyi Bakı şəhərinin marşrut xətlərində təkmilləşdirmə aparılması məqsədilə 62, 70 və 92 saylı avtobus marşrut xətlərində də dəyişiklik edilib.
Bu haqda Modern.az saytına Nəqliyyat Nazirliyi Nəqliyyatı İntellektual İdarəetmə Mərkəzinin (NİİM) ictimai əlaqələr üzrə mütəxəssisi Şəfa Mehmanqızı məlumat verib.
Onun dediyinə görə, 62 saylı marşrutun xəttindəki dəyişiklikdən sonra sentyabrın 1-dən avtobuslar Sabunçu qəsəbəsi – “Koroğlu” metrostansiyası istiqamətində Heydər Əliyev prospekti – Atletlər kəndi – X.Rza küçəsi - nəqliyyat qovşağı – Z.Bünyadov prospekti və sonra mövcud xətt ilə hərəkət edəcək.
70 saylı marşrutun xəttindəki dəyişikliyə görə, avtobuslar “Neftçilər” metrostansiyası – Q.Qarayev prospekti – Ə.Vəliyev küçəsi – M.Abbasov küçəsi – M.Əliyev küçəsi – Elektrik qatarlarının Deposunadək və əks istiqamətdə hərəkət edəcək.
92 saylı marşrutun xəttində edilən dəyişikliyə görə, sentyabrın 3-dən etibarən avtobusların hərəkəti Yeni Avtovağzal – Sumqayıt şossesi – Moskva prospekti – A.Mustafayev küçəsi – Cavadxan küçəsi – “M.Əcəmi” metrostansiyası və əks istiqaməti M.Əcəmi” metrostansiyası - Cavadxan küçəsi – A.Məhərrəmov küçəsi və sonra mövcud xətti ilə olacaq.
“Bakısərnişinnəqliyyatı və Yükdaşımaları” MMC Səbail rayonu sakinlərinin “Sədərək” ticarət mərkəzi ilə birbaşa nəqliyyat əlaqəsinin yaradılmasına dair çoxsaylı müraciətlərini nəzərə alaraq, hərəkət cədvəli “Sədərək” ticarət mərkəzi - Salyan şossesi - Bibiheybət məscidi - 20-ci sahə - Bibiheybət yolu – M.Useynov küçəsi – O.Abbasov küçəsi kəsişməsindən dönməklə yeni 120 saylı marşrut xətti təşkil edib.
120 saylı marşrut xəttinin əks istiqaməti Ə.Yaqubov - Bibiheybət yolu - 20-ci sahə - Muxtarov küçəsi - Bibiheybət məscidi - Salyan şossesi - “Sədərək” ticarət mərkəzidir.
Lökbatan qəsəbəsi sakinlərinin də çoxsaylı müraciətləri nəzərə alınaraq, sentyabrın 3-dən etibarən 124 saylı marşrutun xəttində dəyişiklik edilib. Bu marşrutun avtobuslarının hərəkəti Lökbatan qəsəbəsi – Binə Ticarət Mərkəzi– Lökbatan dairəsi – Salyan şossesi – 20-ci sahə - Bibiheybət yolu – M.Useynov küçəsi – O.Abbasov küçəsi kəsişməsindən dönməklə və əks istiqaməti Ə.Yaqubov küçəsi – Bibiheybət yolu – 20-ci sahə – Salyan şossesi – Lökbatan dairəsi – Binə Ticarət Mərkəzi – Lökbatan qəsəbəsi olacaq.
