Zaqatalanın icra başçısı Mübariz Əhmədzadə rayon tarixində ali məktəbələrə keçirilmiş qəbul imtahanlarında ilk dəfə 700 bal toplayan Asya Mahmudovaya avtomobil hədiyyə edib.
Asya Mahmudova hədiyyə ilə bağlı təəssüratlarını Modern.az-a açıqlamasında belə ifadə edib:
“Hədiyyəyə görə çox sevincliyəm. Gözləmirdim. Özüm maşın sürə bilmirəm, sürücülük vəsioqəm də yoxdur. Düzü, məktəbi bu il bitirdiyim üçün indiyə kimi vəsiqə almaq haqda maraqlanmamışam. Lakin maşın sürməyi öyrənməyi düşünürəm. Qismət olsa, öyrənəcəm. İnşallah, ailəmlə birgə maşından xeyirli şəkildə faydalanarıq”.
Qeyd edək ki, Asya idris qızı Mahmudova Azərbaycan Tibb Universitetinin Müalicə işi ixtisasına qəbul olunub.
