BMT bildirib ki, peykdən çəkilən şəkillər Suriyanın qədim Palmira şəhərində 2 min il yaşı olan məbədin dağıdıldığını göstərir.
Avqustun 30-da Palmiradakı qədim Bel məbədinin İslam Dövləti yaraqlıları tərəfindən partladılması barədə məlumat yayılıb.
İslam Dövləti qrupu Palmira şəhərini bu ilin mayında zəbt edib.
BMT-nin məlumatında məbədin əsas hissəsi və ətradakı sütunların dağıdıldığı bildirilir.
Həmçinin ötən həftə Palmira şəhərindəki Baal-Şamin məbədinin partladıldığı təsdiqlənib.
Hazırda Suriya və İraqın böyük bir hissəsi İslam Dövləti qrupunun nəzarətindədir.
