Qərb ilə nüvə müzakirələri məsələsində razılığa gəldikdən sonra Türkiyə və Rəcəb Tayyib Ərdoğana qarşı ittihamları artıran İranın maliyyə dəstəyi məlum olub.
Avropa.info xəbər verir ki, İranın 5 + 1 ölkələri ilə imzaladığı nüvə razılaşmasına məşhur yəhudi ailəsinə məxsus Rokfeller Fondunun maliyyə dəstəyi verdiyi məlum olub.
Fondun İran ilə nüvə müzakirələrinə 2003-ci ildən bu yana böyük maliyyə dəstəyi verdiyi bildirilir.
Rəsmi Tehranın bir çox sui-qəsd nəzəriyyəsində adı keçən Rokfellerlə qurduğu əlaqə İranın bölgədə tətbiq etdiyi siyasəti sual altına alır.
2 iyulda Piter Valdman imzasi ilə “Bloomberg”-də dərc olunan "Rokfeller Fondunun maliyyələşdirdiyi sivil diplomatiya İran müqaviləsinin yolunu necə açdı" başlıqlı yazıda fondun 11 sentyabr hücumlarından sonra İran haqqında düşüncəsinin necə dəyişdiyindən bəhs edir.
Yazıda Rokfeller Fondunun 2002-ci ildə İranın BMT-dəki nümayəndəsi və hazırki xarici işlər naziri olan Cavad Zərif ilə danışıqlar apardığı və fondun İran-Qərb nüvə müzakirələri üçün 4.3 milyon dollar xərclədiyi bildirilir.
