Dağıstanda keçirilən anti-terror əməliyyatları zamanı “Qafqaz İmarəti” terror təşkilatının lideri öldürülüb.
Axar.az Rusiya mediasına istinadla xəbər verir ki, öldürülən şəxsi Maqomed Suleymanovdur.
Onunla bərabər terror təşkilatının Dağıstan əmiri Kamil Saidov, eləcə də “Qafqaz İmarəti”ndə nüfuzlu şəxslərdən sayılan Abdulla Abdullayev də qətlə yetirilib.
Qeyd edək ki, hazırda Şimali Qafqazda İŞİD-lə “Qafqaz İmarəti” arasında ciddi mübarizəsi gedir. “İmarət”in eks-lideri Aliashab Kebekovun (Əli Əbu Məhəmməd ləqəbli – red.) öldürülməsindən sonra onun bir sıra tərəfdarı İŞİD-ə qoşulub.
İŞİD də artıq özünün Qafqaz əmirliyinin yaradıldığını bəyan edib.
