Sabah ölkə ərazisində yağmursuz hava müşahidə olunacaq. Vertikal.az-ın Ekologiya və Təbii Sərvətlər Nazirliyi Milli Hidrometeorologiya Departamentinə istinadən verdiyi məlumata görə, avqustun 12-də Bakıda və Abşeron yarımadasında havanın günəşli olacağı, yağmursuz keçəcəyi gözlənilir. Şimal-qərb küləyi gündüz cənub-şərq küləyinə keçəcək.
Bakıda və Abşeron yarımadasında avqustun 12-də havanın temperaturu gecə 22-26˚, gündüz 32-37˚ isti olacaq.
Avqustun 12-də Azərbaycanın əksər rayonlarında hava şəraitinin əsasən yağmursuz keçəcəyi gözlənilir. Gün ərzində şərq küləyi əsəcək, ayrı-ayrı yerlərdə arabir güclənəcək.
Havanın temperaturu aran rayonlarında gecə 20-25˚, gündüz 33-38˚ isti, dağlarda gecə 13-18˚, gündüz 25-30˚ isti olacaq.
