2016-cı ildə Braziliyanın Rio-De-Janeyro şəhərində keçiriləck XXXI Yay Olimpiya Oyunları ilə bağlı vahiməli xəbər yayılıb. Modern.az xəbər verir ki, Associated Press agentliyinin əməkdaşlarının apardığı araşdırma zamanı oyunlar zamanı su idman növləri üzrə keçiriləcək yarışların çirkli suda baş tutacağı aydınlaşıb. Belə ki, jurnalistlər Rodriqu-di-Freytaş gölündə, Quanabara körfəzində, Kopakabana və İpamena çimərliklərindən su nümunlərini laboratoriya yoxlanışına veriblər. Aydın olub ki. su yarışlarının keçiriləcəyi bu hövzələr kanalizasiya sularının axıdılması nəticəsində təhlükəli mikrorqanizmlərlə zənginləşiblər. Müqayisə əsasında Braziliyadakı sularda xəstəlik yaradan mikroorqanizmlərin ABŞ-ın Klaiforniya sahilləri ilə müqayisədə 1,7 milyon dəfə çox olduğu müəyyənləşib.
“Faktiki olaraq, bu təmizlənməmiş kanalizasiya sularıdır”-deyə dəniz bioloqu Con Qriffit deyib. Braziliyada yarışların keçiriləcəyi su hövzələrindən gətirilən nümunələrdə adenovirus, rotavirus və bağırsaq çöpləri aşkar olunub. Yay Olimpiya Oyunları üçün Braziliya hpökuməti tərəfindən xüsusi proqramla təmizlənmiş Rodriqu-di-Freytiş gölü isə 1 litr suda 14 milyon adenvirus olmaqla ölkənin ən çirkli su hövzəsi olub.
2016 Yay Olimpiya Oyunlarında su yarışlarında 1400 dünya idmançısı iştirak edəcək.
