Adolf Hitler 35 yaşında çevriliş cəhdinə görə düşdüyü həbsxanadan 1925-ci ildə çıxdı. Məhbəsdə olarkən o, «Men Kampf» («Mənim mübarizəm») kitabını yazır və Almaniyada hökuməti ələ keçirməyi planlaşdırır.
FaktXəbər-in verdiyi məlumata görə, onun isitedadlarından biri isə natiqlik qabiliyyəti idi. Lakin Hitler öz xarici görünüşündən çox utanırdı və özünün vizual hərəkətinin sözləri kimi təsirli olduğunu bilmək istəyirdi. Bu səbəbdən gələcək fürer öz şəxsi fotoqrafı Henri Qofmandan öz çıxışlarının repetisiyasını lentə almağı tapşırır. O, müxtəlif jestlərdən istifadə edir ki, sonra fotolara baxaraq, ən yaxşını və ən pisi ayıra bilsin.
Hərçənd Hitler Qofmana bu fotoları məhv etməyi tapşırsa da, fotoqraf onları öz studiyasında gizlədir. Daha sonralar o, bu fotolardan «Hitler mənim dostum idi» memuarında istifadə edir.
