Məşhur aktyor Leonardo Di Kaprio "dünyanı qorumaq üçün laqeyd qalmamalıyıq" deyərək beynəlxalq təşkilatlara külli miqdarda pul bağışlayıb.
Vertikal.az-ın axşam.az-a istinadən verdiyi məlumata görə, Hollivudun ən çox qazanan aktyorlarından olan DiKaprio nə qədər lüks həyat yaşasa da, hər zaman ətraf mühiti və heyvanları qorumaq adına işlər görüb.
Aktyor öz adına qurduğu fond vasitəsi ilə qlobal istiləşməni əngəlləmək üçün çalışan dərnək və təşkilatlara 15 milyon dollar verib:
"Get gedə dünyanın sürətli şəkildə dağılmağına laqeyd qala bilmərik. Hamımız bu kainatdan və gələcəyindən cavabdehik".
Qeyd edək ki, Leonardo öz təşkilatına "Titanik" filmindən gələn gəlirləri ilə qurub.
