ABŞ-ın sabiq prezidenti kiçik Corc Buş 2012-ci ildə müharibə əlilləri üçün təşkil edilən xeyriyyə gecəsində bir çıxışa görə 100 min dollar istəyib.
Avropa.info xəbər verir ki, 2012-ci ildə “Helpinga Hero” xeyriyyə fondu müharibə əlilləri ilə bağlı tədbir keçirəndə Corc Buşu da dəvət etmək istəyiblər. O, isə çıxışı üçün 100 min, şəxsi təyyarə ilə Hyuston şəhərinə gəlmək üçün isə 20 min dollar tələb edib. Fond Buşun tələblərini yerinə yetirib. Bir il əvvəl Buşun arvadı Lora Buş bənzər tədbirdə iştirak üçün 50 min dollar almışdı.
İraqın Fəlluca şəhərində döyüşlərdə hər iki əlini itirən veteran Eddi Rayt deyib ki, Buşun veteranların hesabına bu qədər böyük pul alması doğru deyil.
