Barselona FK-ya transfer olan Arda Turan klubda oynamağa başlayacağı vaxta qədər boş qalacağı 6 aylıq müddətdə “Qalatasaray”da oynamayacaq.
Axar.az xəbər verir ki, İspan qəzeti “El Mundo Deportivo”ya müsahibə verən Arda Turan bu müddətdə heç bir komandada oynamayacağını açıqlayıb.
Arda Turan “El Mundo Deportivo”ya bu sözləri deyib:
“6 ay oynamamaq çətindir. Ancaq önəmli olan Barselona oyunçusu olmağımdır. Həmişə “Barselona” üçün oynamağı arzulayırdım. Komanda adına forma geyinəcəyim günə qədər çalışacağam. Komandaya qazandıra biləcəyim bütün kubokları qazandırmaq istəyirəm. Messi, İnyesta və Neymar kimi futbolçularla oynamaq xəyalım gerçəkləşdi”.
Xatırladaq ki, günlərdir Arda Turanın “Qalatasaray”da oynayacağı xəbərləri dolaşırdı. Eyni zamanda, bu klubun əzəli rəqibi “Fənərbaxça”nın futbolçuya “6 aylıq kirayə” təklifi etdiyi də iddia edilirdi.
