Ermənistanda etiraz aksiyaları fonunda yaranmış gərginlik hazırda hakim elita sayılan “Qarabağ klanı” ilə “Ermənistan klanı” arasındakı gərginliyi də artırıb.
Axar.az Regional Sabitlik və Təhlükəsizlik Mərkəzinə istinadən xəbər verir ki, İrəvanda davam edən aksiyalara polis və mülki geyimlilərin sərt müdaxiləsindən sonra nümayişçilər hərəkatın sosial müstəvidən siyasi müstəviyə keçdiyini bəyan ediblər.
Bələ ki, aksiyanın dağıdılmasında sərt üsullar planlaşdıran hakimiyyət polisin yerli ermənilərlə qohumluq, qonşuluq, tanışlıq, sonradan əvəz çıxma prinsipləri səbəbindən davranışlarında ehtiyyat etdiklərindən Qarabağ ermənilərindən dəstələr təşkil edərək İrəvanda aksiyanın dağılmasında istifadə edirlər.
“Onlar kobud şəkildə barrikadaları dağıdır, sipər yaratmış aksiya iştirakçılarını bir-birindən qopararaq polis maşınlarına doldururlar. Dəyənəklərdən düşmən kimi istifadə edirlər”, – deyə, aksiya iştirakçılarından biri qeyd edir.
Belə bir vəziyyət Qarabağda yerləşdirilmiş ermənilərlə Ermənistan erməniləri arasında mövcud olan intriqanı pik səviyyəyə çatdırıb. Vəziyyət o həddə çatıb ki, artıq İrəvandan Qarabağ ermənilərini qovmağa başlayıblar. Ölkənin bu vəziyyətə düşməsində “Qarabağ klanı”nı günahlandıran ermənilər, hazırkı vəziyyətdə bütün uğursuzluqlarının səbəbkarı hesab etdikləri Qarabağda yerləşdirilmiş ermənilər vasitəsi ilə onlara belə təzyiq göstərilməsi və bunun milli qırğına səbəb olacağından narahatdırlar. Artıq aksiyalarda “Rədd ol Qarabağ”, “Problemsiz Ermənistan istəyirik” şuarlarının səsləndirilməsi aksiyaların həqiqətən siyası müstəviyə keçdiyindən xəbər verir.
Son bir neçə gün ərzində separat Qarabağ ərazisində “nazir”lərin dəyişdirilməsi, hərbi hissə rəhbərlərinin klana daha yaxın namizədlərlə əvəz olunması Sərkisyan rejiminin xalq hərəkatının gedişatından asılı olaraq Qarabağ erməniləri və ümümqoşun ordsu vasitəsi ilə Ermənistana hüçum hazırlığı planının tərkib hissəsidir.
