“Facebook”un yaradıcısı Mark Zukerberq onlayn rejimdə izləyicilərinin sualına cavab verib.
Avropa.info xəbər verir ki, bu dəfə o, Arnold Şvartsneqerin sualına cavab verib. Keçmiş Kaliforniya qubernatoru Zukerberqdən idman ilə məşğul olub-olmamasını soruşub. O, cavab verib ki, həftədə üç dəfədən az olmayaraq, idmanla məşğul olur. Hər imkanda iti Beastlə qaçmağa çıxır.
Şvartsneqer şərhdə əlavə edib ki, hətta prezidentlər və Roma Papası da idman üçün vaxt tapır.
“Sən deyəsən dünyada ən məşğul adamlardan birisən. Gənc nəsil yəqin ki, səndən nümunə götürəcək, nəinki Roma Papasından” – deyə aktyor bildirib.
Terminator seriyasından növbəti filmini reklam etmək istəyən Şvartsneqer ən sonda soruşub :
“Yeri düşmüşkən, maşınlar qalib gələcək?”
“Xeyr, maşınlar heç zaman qalib gəlmir” - deyə Zukerberq suala cavab verib.
