Daha bir məşhur cütlük boşanır. Hollivud ulduzları Ben Afflek və Cennifer Qarner boşanmaq niyyətində olduqlarını açıqlayıblar. "Uzun sürən müzakirələrdən və ətraflı danışıqlardan sonra boşanmaqla bağlı çətin qərara gəldik. Bundan sonra da bir-birimizi sevməyə, dost olmağa davam edəcəyik. Uşaqlarımızı birlikdə tərbiyə edib, birlikdə böyüdəcəyik" - məşhur cütlüyün açıqlamasında belə deyilir.
Boşanma Ben Afflek və Cennifer Qarner arasında əmlakla bağlı məsələlər həll olunandan sonra rəsmiləşəcək.
Ben və Cennifer 150 milyon dollarlıq birgə əmlaka sahibdirlər. Bu əmlak siyahısında Los-Anceles və Nyu-York şəhərlərindəki villalarla mənzillər, Montana və Corciya ştatlarındakı malikanələr də var.
42 yaşlı Afflek və 43 yaşlı Qarner aprel ayından bəri tədbirlərə birlikdə qatılmırlar. Onlar 2005-ci ildə evləniblər. Cütlüyün 9-6 yaşlı iki qızı və 3 yaşlı bir oğlu var.
