Ukrayna paytaxtı Kiyevdə Gürcüstanın sabiq prezidenti Mixail Saakaşvilinin öz ailəsi ilə birlikdə qaldığı ev satışa çıxarılıb.
Bu barədə AzVision.az “Vesti”yə istinadən xəbər verir.
Rieltorlar Kostelnaya 7 ünvanında yerləşən 5 otaqlı mənzilin dəyərinin komissiya xərcləri olmadan 1,2 milyon dollar olduğunu bildiriblər. Bu evi ayda 6,5 min dollar ödəməklə kirayəyə də götürmək olar. Mənbənin sözlərinə görə, Saakaşvilinin Odessada işləməsinə baxmayaraq o tez-tez Kiyevdə olur.
“O, adətən həftədə bir dəfə Kiyevdə olur. Onun gəlişindən əvvəl orada hər şey yoxlanılır, küçə bağlanılır. Onun evi çox gözəldir, içərisində sütunlar da var”, - deyə mənbə bildirib.
Saakaşvilinin evinin olduğu bina 1917-ci ildə inşa olunub. Evin pəncərələri Maydana açılır. Evin fasadı heykəllərlə bəzədilib. Gürcüstanın sabiq prezidentinin evinin həcmi 252 kvadrat kilometrdir. Evdə eksklüziv təmir işləri aparılıb.
