Bu gün Azərbaycan milli azadlıq hərəkatının lideri Əbülfəz Elçibəyin 77-ci doğum günüdür.
Hafta.az-a açıqlama verən KXCP sədrinin müavini Xəzər Teyyublu bildirib ki, bu gün saat 12:00-da Əbülfəz Elçibəyin məzarını ziyarət edəcəklər. O qeyd edib ki, təşkilatçı olsalar da, bununla bağlı heç bir partiyaya dəvət göndərməyiblər:
“Lakin kim bizə qoşulmaq istəyərsə, buyurub gələ bilər”.
Qeyd edək ki, uzun sürən ağır xəstəlikdən sonra 2000-ci ilin avqustun 22-də Türkiyənin Ankara Dövlət Xəstəxanasında dünyasını dəyişən Əbülfəz Elçibəyin nəşi Bakıya gətirilərək, Fəxri Xiyabanda dəfn edilib.
