“Bu gün Əbülfəz bəyin dünyamıza gəlişinin 77-ci ildönümüdür. Tanrı ruhunu şad etsin!
Bilgisayar arxivimdən bir neçə foto seçmək istədim. Çox çətindir. Elçibəyin hər fotosu böyük bir tarixin, böyük bir mücadilənin izini daşıyır. Bu da təbiidir. Elçibəy imzası son 100 illik tariximizin ikinci böyük imzasıdır”.
Modern.az saytı xəbər verir ki, bunu Müsavat Partiyasının sabiq başqanı İsa Qəmbər özünün facebook hesabında bildirib. O, Azərbaycanın mərhum prezidenti Əbülfəz Elçibəyin doğum günü ilə əlaqədar əlavə edib:
“3 ildən sonra Cümhuriyyətimizin 100-cü, Elçibəyimizin 80-ci ildönümüdür. Vaxt çox deyil, az da deyil. Əzm, prinsipiallıq, ardıcıllıq və fədakarlıqla çalışsaq 2018-ci ildə ciddi uğurlarla Liderimizin ruhunu şad edəcəyik!”.
İsa Qəmbərin paylaşdığı fotoları təqdim edirik:
