Rusiya 2015-ci ilin sonuna qədər Koreya Xalq Demokratik Respublikası ilə təhlükəli hərbi fəaliyyətin qarşısının alınması ilə bağlı müqavilə imzalamaq niyyətindədir.
Axar.az xəbər verir ki, bu açıqlama ilə Rusiya Dumasının spikeri Sergey Narışkin çıxış edib.
Onun sözlərinə görə, tərəflər imzalayacağı sənəddə başqa dövlətlərin hərbi qüvvələrinin onların sərhədləri yaxınlığında fəaliyyətinin qarşısının alınması məsələsi yer alıb. Sənəddə istənilən insidentin ilk növbədə sülh yolu ilə həlli məsələsi vurğulanır. Bundan başqa tərəflər bu müqavilənin heç bir üçüncü dövlətə qarşı yönəlmədiyini bildirirlər.
