İyunun 22-də Türkiyə və İsrail diplomatları Romada gizli şəkildə görüşüblər.
Axar.az xəbər verir ki, bu barədə informasiyanı “Haaretz” qəzeti yayıb.
Qəzetin məlumatına görə, görüşdə əsas məqsəd iki ölkə arasında konfliktin aradan qaldırılması olub. Romadakı görüşə İsrail tərəfdən Benyamin Netanyahunun xüsusi nümayəndəsi Dori Qold, Türkiyə tərəfdən isə Xarici İşlər nazirinin müavini Firudun Siniroğlu gedib.
Qeyd edək ki, İsraillə Türkiyə arasında gərginlik Türkiyənin Qəzzaya gedən “Mavi Mərmərə” gəmisinə Təl-Əvivin hücumundan sonra başlamışdı. Hücum zamanı 9 Türkiyə vətəndaşı ölmüş, 30 nəfər isə yaralanmışdı. 2013-cü ildə İsrail buna görə Türkiyədən üzr istəmişdi. Lakin Ankara indiyə qədər İsraildən ölənlərin yaxınlarına kompensasiya verilməsini tələb edir.
