“Oskar”lı ispan aktrisası Penelopa Kruzun ailəsinə ağır itki üz verib.
Axşam.az-ın xarici mətbuata istinadən məlumatına görə, aktrisanın atası Eduardo Kruz 63 yaşında ürək çatışmazlığından dünyasını dəyişib. Penelopa atasının ölüm xəbərini “Zoolander” filminin çəkilişindən qayıdarkən yolda öyrənib.
Qeyd edək ki, Eduardo Kruzun Penelopadan başqa, ilk evliliyindən Monika və Eduardo Kruz balaca adlı daha iki övladı var. Onun ikinci nikahından isə Salma adlı (3 yaş) qızı dünyaya gəlib.
