Əli Kərimlinin rəhbərlik etdiyi Azərbaycan Xalq Cəbhəsi Partiyası (AXCP) Milli Məclisə keçiriləcək seçkilərə Milli Şuranın tərkibində qatılacaq.
AXCP sədrinin müavini Fuad Qəhrəmanlı "Report"a açıqlamasında deyib ki, yaxın günlərdə seçkidə iştirakla bağlı məsələ müzakirəyə çıxarılacaq: "İndiyədək AXCP rəhbərliyi parlament seçkilərində iştirakla bağlı müzakirələr aparmayıb. Bu məsələ həm AXCP, həm də Milli Şurada müzakirə edildikdən sonra müvafiq qərar qəbul ediləcək. İştirakla bağlı qərar verilərsə, dairələr üzrə namizədlərin müəyyənləşməsi istiqamətində müzakirələr aparılacaq".
