Bu gün Bərdədə 50 yaşlı kişini ildırım vurub. ANS PRESS-in məlumatına görə, hadisə saat 08 radələrində rayonun Ləmbəran kəndində qeydə alınıb.
Kənd sakini 50 yaşlı Mayıl Süleyman oğlu Süleymanov heyvanları örüşə çıxarıb. Kişi heyvanları oturarkən ildırım çaxırmış. Bu zaman kişini ildırım vurub. Mayıl Süleymanov yerindəcə keçinib.
Mayıl Süleymanov ildırım çaxan zaman telefonla danışırmış.
Faktla bağlı araşdırma aparılır.
Qeyd edək ki, analoji hadisə bir neçə gün bundan əvvəl Qax rayonunda baş vermişdi. Rayonun Zəyəm kənd sakini 26 yaşlı Nurlu Surxayevanı gecə saatlarında ildırım vurub. İldırım çaxarkən qız da telefonla danışıb.
