“Mixail Saakaşvilinin Odessaya qubernator təyin edilməsi ucbatından Tiflis Kiyevlə münasibətlərini pozmayacaq”. Axar.az xəbər verir ki, bu açıqlama ilə Gürcüstanın Xarici İşlər Nazirliyinin sözçüsü David Kereselidze çıxış edib. Onun sözlərinə görə, Gürcüstan bu məsələlərdə ilk növbədə dövlət maraqlarını ön istiqamətə gətirəcək: “Ukrayna hazırda müharibə şəraitindədir. Ukraynaya sadəcə inkişaf, dəstək və Gürcüstan lazımdır. Biz istənilən vədə Ukraynanın yanında durmağa hazırıq”.
