“Akkord” tikinti korporasiyası yaşayış binalarının üzlüklərini dəyişdirməyə başlayıb. Avropa Oyunlarına hazırlaşan tikinti şirkətinin Bakıxanov qəsəbəsindəki “Uğur-2” yaşayış kompleksində binaların fasadı yenilənir.
Axar.az-ın əməkdaşının verdiyi xəbərə görə, bu yaşayış binaları paytaxtın hava limanına gedən istiqamətində, yol üstündə yerləşdiyindən binaların görüntüsünə xüsusi əhəmiyyət verilir.
Müxbirimiz qeyd edir ki, bu kompleksdə 8 yaşayış binası var. Onu da deyək ki, bu binaların da bir müddət əvvəl tezalışan materiallarla üzlənməsi planlaşdırılıb. Lakin buna icazə verilməyib.
