Bakıda keçiriləcək ilk Avropa Oyunlarına 25 erməni idmançı qatılacaq.
ANS PRESS-in məlumatına görə, bunu Ermənistan Milli Olimpia Komitəsinin baş katibi Qraçya Rostomyan bildirib.
"Bizim irəli sürdüyümüz təhlükəsizlik, məişət və məşqlə bağlı məsələlər artıq öz həllini tapıb. Erməni idmançıların ilk qrupu Bakıya iyunun 10-da yola düşəcək. Azərbaycana yola düşəcək nümayəndə heyətinə mən başçılıq edəcəm. Maliyyə problemlərini Erməni MOK-un prezidenti Qaqik Tsarukyan öz üzərinə götürüb", - deyə Rostomyan bildirib.
Qeyd edək ki, Bakıda keçiriləcək ilk Avropa Oyunları iyunun 12-də start götürəcək və 28-dək davam edəcək.
