Paytaxtda avtobuslardan birində yanğın baş verib.
“Qafqazinfo” xəbər verir ki, bu barədə sosial şəbəkədə məlumat verilib. Hadisə şahidlərinin sözlərinə görə, paytaxtın “Şamaxinka” adlanan ərazisində “135” nömrəli avtobus yanmağa başlayıb. Yanğın zamanı xəsarət alanların olmadığı bildirilir.
Hazırda hadisə yerinə yanğınsöndürən maşınlar cəlb olunub.
***
Bakı Sərnişinnəqliyyat Məhdud Məsuliyyəti Cəmiyyətinin rəsmisi Vüqar İbrahimli yanan avtobusla bağlı “Qafqazinfo”ya açıqlama verib. Bildirib ki, Avtovağzaldan şəhər istiqamətində hərəkətə başlayan 135 nömrəli avtobus Şamaxinka ərazisində qəfildən alışmağa başlayıb: “ Hadisə zamanı dərhal sərnişinlər avtobusdan düşüb. Xəsarət alan yoxdur. Yanğın söndürülüb. Avtobusun hansı səbəbdən yanmasını araşdırmaq üçün hazırda əməkdaşlarımız hadisə yerindədir”.
