Bakıda sərnişinlə dolu avtobusda yanğın hadisəsi baş verib.
Axar.az xəbər verir ki, səhər saatlarında Bakı-Sumqayıt yolunda, Şamaxı yolu adlanan ərazidə 135 nömrəli xətt üzrə hərəkət edən marşrutda yanğın baş verib. Yanğının marşrutun mühərrikində başladığı bildirilir.
Məlumata görə, anidən başlayan yanğın tez bir zamanda avtobusu bürüyüb. Hadisə zamanı avtobus sərnişinlə dolu olsa da, onlar vaxtında avtobusu tərk ediblər və heç kəs xəsarət almayıb.
