“Hacıbala Abutalıbova dəliliyimi sübut edəcəyəm”.
Bu sözləri Hafta.az-a açıqlamasında Müasir Müsavat Partiyasının sədri Hafiz Hacıyev deyib. O bildirib ki, hazırda beş min nəfər dəstə yığmaqla məşğuldur:
“Hacıbala Abutalıbov mənə dəli deyib. Beş min nəfərlə gedib Bakı Şəhər İcra Hakimiyyətinin qarşısında aksiya keçirəcəyəm. O tutduğu vəzifədən getməlidir. Hacıbalaya sübut edəcəyəm dəliliyimi. Eybi yoxdur”.
Qeyd edək ki, Bakı meri H.Abutalıbov Hafiz Hacıyevin yanan bina ilə bağlı ona qarşı olan ittihamlarına mətbuat vasitəsilə bu cür cavab verib:
“Hafiz Hacıyev nə dediyini özü də anlamır. Mən o adamın nəyinə cavab verim? Hafiz Hacıyev dəlidir, axmağın biridir. Mən indi bu barədə onunla danışacam”.
Yada salaq ki, Hafiz Hacıyev yanan bina ilə bağlı şərh verərkən bildirib:
"Hacıbala müəllim bilmir ki, onu gətirən kimdir? Bəyəm xəbəri yoxdur binalara hansı materiallar vurulur? Çox gözəl bilirsiniz ki, həmin materialı gətirən onun qardaşının kürəkənidir. Sadəcə olaraq, özünü bilməməzliyə vurur. Dəyən ziyanı dövlət yox, bu işdə az da olsa "əməyi" olan məmurlar ödəməlidirlər".
