Ötən gün Şabran rayonunda polisə daxil olan məlumat əsasında əməliyyat keçirilib. ANS PRESS-in bölgə müxbirinin verdiyi məlumata görə, məlumat əsasında Sabir küçəində yaşayan 1961-ci il təvəllüdlü İlham Yarıyevin mənzilində axtarış aparılıb.
Əməliyyat nəticəsində İlham Yarıyevin evinin damında 7 ədəd gül dibçəyi götürülüb. Lakin dibçəkdə gülün əvəzinə narkotik tərkibli çətənə kolları olub.
Polis İlham Yarıyevi saxlayıb.
Şabran rayon polis şöbəsinin rəis müavini Laçın Hacıyevin ANS PRESS-in bölgə müxbirinə bildirib ki, saxlanılan İlham Yarıyev əvvəllər də məhkumluq həyatı yaşayıb.
Faktla bağlı cinayət işi başlanıb, araşdırma aparılıb.
