Bu gün səhər saatlarında Bakı şəhəri, Binəqədi rayonunda yaşayış binasında baş vermiş dəhşətli yanğınla əlaqədar son məlumatlar açıqlanıb. Səhiyyə Nazirliyinin mətbuat xidmətindən ANS PRESS-ə verilən məlumata görə, ölənlərin sayı 15-ə çatıb
***15.16
Bu gün səhər saatlarında Bakı şəhəri, Binəqədi rayonunda yaşayış binasında baş vermiş dəhşətli yanğınla əlaqədar son məlumatlar açıqlanıb. Səhiyyə Nazirliyinin mətbuat xidmətindən ANS PRESS-ə verilən məlumata görə, ölənlərin sayı 13-ə çatıb. Ölənlərdən ikisinin uşaq olduğu bildirilir. Yanğın nəticəsində 61 nəfər yaralanıb. Bunlardan 30 nəfər Toksikologiya şöbəsinə yerləşdirilib, digər xəsarət alanlar 2 nömrəli xəstəxanaya yerləşdiriliblər.
***15.04
Bu gün səhər saatlarında Bakı şəhəri, Binəqədi rayonunda yaşayış binasında baş vermiş dəhşətli yanğınla əlaqədar son məlumat açıqlanıb. Səhiyyə Nazirliyindən ANS PRESS-ə verilən məlumata görə, hadisə zamanı ölənlərin sayı 12-yə çatıb. 54 nəfər yaralı artıq Təcili tibbi Yardım maşınları ilə müxtəlif xəstəxanalara yerləşdirilib.
Bunlardan 24-ü 1 saylı Kliniki Tibbi Mərkəzin Toksikologiya şöbəsinə, 5 nəfəri Elmi Təhqiqat Travmatologiya və Ortopediya İnstitutuna 2 nəfər 6 saylı BŞX-na 1 nəfər isə Yanıq şöbəsinə yerləşdirilib.
Digər 10 nəfərə isə Bakı şəhəri Təcili və Təxirəsalınmaz Tibbi Yardımın əməkdaşları tərəfindən yerindəcə yardım göstərilib.
Saat 14:33
Binəqədi rayonu Azadlıq 189-da yerləşən hündürmərtəbəli binada baş verən yanğında ölənlərin sayı bir qədər də artıb.
Səhiyyə Nazirliyinin mətbuat xidmətinin rəhbəri Liya Bayramovanın ANS PRESS-ə verdiyi məlumata görə, yanğın zamanı ölənlərin sayı 10-a çatıb.
Yanğın nəticəsində xəsarət alanlar 43 nəfərdən 24-ü xəstəxanaya yerləşdirilib. 9 nəfər yerində ilkin tibbi yardım göstərilərək evə buxaraxılıb.
Qeyd edək ki, dəhşətli yanğın hadisəsi bu gün səhər saatlarında Binəqədi rayonu, Azadlıq 189 ünvanında baş verib. 16 mərtəbəli bina alovlanıb.
Hadisə yerinə onlarla təcili yardım və yanğınsöndürən briqadaları cəlb edilib. Məlumata görə, iki nəfər özünü yanan binadan aşağı atıb.
