FaktXeber.com-un “Əl-Furat” telekanalına istinadən verdiyi məlumata görə, İraqın Əl-Ənbar vilayətinin Rimadi şəhərində şiddətli döyüşlər gedir.
Ötən gün İŞİD terror qruplaşmasının bu şəhərə hücum edərək, Rimadinin mərkəzini ələ keçirməsindən sonra, məsələyə xalq könüllüləri qarışmaq məcbuiyyətində qalıb. 30 min könüllü artıq Rimadi şəhərinin ətrafına toplaşıblar. Bəzi məlumatlar Rimadinin bütünlüklə işğal olunduğunu bildirsə də xalq könüllülərinin (Əl-Həşduş-Şəbi) sözçüsü Kərim Əl-Nuri deyilənləri təkzib edib. O, bildirib ki, terror qruplaşması Rimadinin mərkəzini ələ keçirsə də şəhəri tamamilə işğal edə bilməyib.
Bədr qvardiyasının baş komandanı Hadi Əl-Amiri artıq Rimadinin qərbində yerləşən Əl-Hibaniyyə hərbi bazasındadır. Ötən gündən başlayana könüllülərin İŞİD-ə qarşı hücumları nəticəsində 376 terrorçu məhv edilib, deyə könüllülərin sözçüsü əlavə edib.
İraq könüllüləri İŞİD terrorçuları ilə mübarizə aparmaq üçün unikal texnika icad edib. Onlar qaldırıcı qurğunun üzərinə ağır çaplı və uzaqdan idarə olunan pulemyot yerləşdirərək, İŞİD terrorçuları və onların maşınlarını hədəfə alırlar.
