Paytaxtın Binəqədi rayonu, "Azadlıq prospekti" metro stansiyası yaxınlığında dəhşətli yanğın baş verib.
Axar.az-ın hadisə yerində olan əməkdaşı xəbər verir ki, yanğın yaşayış binasının 3-cü mərtəbəsində başlayıb.
Fövqəladə Hallar Nazirliyinin yanğınsöndürmə briqadası hadisə yerinə gəlib.
Hazırda yanğının qarşısının alınması istiqamətində işlər aparılır.
***
Azadlıq prospektinin yanğına yaxın olan hissəsi bağlanıb. Sakinlərin əməkdaşımıza verdiyi məlumata görə, binada sakin var, FHN əməkdaşları xilasetmə işləri aparır.
Yanğın Azadlıq prospekti 36 ünvanında baş verib. Bir anda başlayan və sürətlə yayılan yanğından xilas olmaq üçün sakinlərdən bəziləri 2-3-cü mərtəbədən atılıblar.
Xəsarət alan yoxdur.
