Azərbaycan Milli Məclisinin deputatları I Avropa Oyunlarında hansı idman növünə azarkeşlik edəcəklər? SİA belə bir sualla deputatlara müraciət edib.
İsa Həbibəyli - Milli Məclisin deputatı, Azərbaycan Milli Elmlər Akademiyasının vitse-prezidenti:
- İlk Avropa Oyunlarının açılış mərasimini nəvəmlə birlikdə izləyəcəm. Hesab edirəm ki, bu oyunlar böyük bir hadisədir. Futbol yarışları olmadığından I Avropa Oyunları zamanı üzgüçülük idman növü yarışlarını yaxından izləyəcəm.
Sədaqət Vəliyeva - Milli Məclisin deputatı, Yeni Azərbaycan Partiyası Nizami rayon təşkilatının sədri:
- Mən, I Avropa Oyunları zamanı keçirilcək bütün idman növlərini yaxından izləməyə çalışacam. Xüsusi olaraq üzgüçülük, gimnastika üzrə keçirilən yarışları yaxından izləyəcəm.
Elmira Axundova - Milli Məclisin deputatı:
- Mən, I Avropa Oyunları zamanı güləş yarışlarını yaxından izləməyi düşünürəm. Çünki, güləş idman növünü çox sevirəm. Eyni zamanda üzgüçülüklə məşğul olduğumdan bu idman növünə də xüsusi marağım var.
Milli Məclisin deputatı, Azərbaycan Boks Federasiyasının vitse-prezidenti Ağacan Əbiyev:
- Mən I Avropa Oyunları zamanı çalışacağam bütün idman növlərini yaxından izləyim. Ancaq, xüsusi olaraq boks yarışlarını izləyəcəm.
