1 İyun Uşaqların Beynəlxalq Müdafiə günü ilə əlaqədar konsert proqramı keçiriləcək.
Axşam.az-ın məlumatına görə, mayın 30-da baş tutacaq mərasimdə sənət aləminin tanınmış simaları bənzərləri olan uşaqlarla səhnəyə çıxacaqlar. Konsertə qatılanlar arasında müğənni Günay İbrahimli, Roza Zərgərli, Sevil və Sevinc bacıları, Yaşar Cəlilov, Emil Bədəlov, Sevda Yahyayeva, Elçin Hüseynov, Rəvan Qarayev, Aşıq Əli, meyxanaçı Namiq Qaraçuxurlu, aparıcılar Mətanət Əliverdiyeva, Azər Axşam, Nərgiz Məmmədova, Cavid Gül, Zaur Nəbioğlu, rəqqasə Fatimə Fətəliyeva, aktyorlar Elşən Orucov, Nicat Rəhimov və başqaları yer alacaq.
Gecənin xüsusi qonaqları isə xalq artisti İlhamə Quliyeva və müğənni Röya Ayxan olacaq.
Heydər Əliyev Sarayında baş tutacaq xeyriyyə konsertindən əldə olunacaq gəlir kimsəsiz uşaq evlərinə bağışlanacaq.
Gecəyə biletlərin qiyməti 10 manatdan 30 manata kimidir.
