İranın iqtisadi problemlərinin həlli ölkənin nüvə probleminin nizamlanmasından asılı deyil.
AzVision.az İranın “İRNA” agentliyinə istinadən xəbər verir ki, bu barədə İranın dini lideri Əli Xameneyi 1 may “Beynəlxalq Əmək Günü” münasibətilə Tehranda işçilərlə görüşü zamanı bildirib.
Xameneyinin sözlərinə görə, ölkənin iqtisadi problemlərinin həlli Lozanna, Cenevrə və ya Nyu-Yorkda deyil, İranın özündədir.
Dini lider vurğulayıb ki, İran hökuməti daxili problemləri həll etmək üçün öz diqqətini daxili istehsalata yönəltməlidir.
Xameneyinin sözlərinə görə, o, sanksiyaların İrana fəsadlarını inkar etmir, lakin onlar daxili istehsalın artırılmasına yönəldilən hökumətin səylərinə mane olmamalıdır.
Bundan əlavə, dini lider İran hökumətinin məhsul idxalını qadağa etməli olduğunu vurğulayıb.
