Ermənistan Türkiyənin birgə komissiya yaratmaq çağırışını eşitməlidir. Trend-in məlumatına görə, bunu "əş-Şərq" ərəb qəzetinə müsahibəsində Türkiyənin sabiq Prezidenti Abdullah Gül deyib.
O, qeyd edib ki, Türkiyə Ermənistana 1915-ci il hadisələrini araşdırmaq üçün birgə komissiya yaratmağı təklif edib, amma bu təklif hələ də cavabsız qalıb.
A.Gülün sözlərinə görə, 1915-ci il hadisələrini araşdırmağa xidmət edəcək bu komissiyada ABŞ və Rusiyadan olan tarixçilər də yer ala bilər: "Bu hadisələr zamanı ancaq ermənilər yox, Osmanlı ərazisində yaşayan bütün xalqlar zərər çəkiblər".
O, Türkiyə tarixində "erməni soyqırımı"nın olmadığını vurğulayıb.
