Türkiyədə AKP-dən olan millət vəkili Şamil Təyyar CHP lideri Kamal Klıcdaroğlunu sərt şəkildə tənqid edib.
Avropa.info xəbər verir ki, Klıcdaroğlunun prezident Ərdoğana yönəlik "Biz meydanlara tökülərik, Ərdoğan prezidentlik sistemini qan tökmədən tətbiq edə bilməz" sözlərinə cavab verən Təyyar, CHP sədrini "porno kasetindən törəmiş partiya sədri" adlandırıb.
"Baş nazirin çevrilişlə hakimiyyətdən uzaqlaşdırıldığını iddia edir. Kim deyir bu sözü, Porno kasetindən törəmiş partiya sədri."
Türkiyə parlamentində danışan Təyyarın bu sözləri məclisi qarışdırıb. CHP-dən olan deputatlar onun çıxışına sərt reaksiya veriblər.
