Aparıcı Xədicə Sənanqızı fotokameramız qarşısına keçərək şəkillər çəkdirib.
Axşam.az-a açıqlama verən aparıcı televiziyadakı çatışmazlıqlardan bəhs edib:
“Hər verilişin özünəməxsus tamaşaçısı var. İmkan olanda telekanallarımızı izləyirəm. Efirlərimizdə yaxşı layihələr çatmır. Buna da böyük vəsait lazımdır. Bizim lazımi qədər istedadlı aparıcılarımız var. Sadəcə, onlara verməyə yetərincə pul yoxdur”.
Hər zaman qısa saçla dolaşan X.Sənanqızı son günlər imicini dəyişməsi ilə diqqət çəkib. Saçlarını uzadan Xədicə ATV-nin aparıcısı Samirə Mustafayevanın “Xəbərlər aparıcıları arasında Azərbaycanda ilk dəfə mən saçlarımı qısa kəsdirmişəm” sözlərinə də cavab verib:
“Bir vaxtlar televiziya məkanında inqilab edən aparıcılardan olmuşam. İlk dəfə sarı və qısa saçı da mən etdim. 10 il bu imicdə gəzdim. İndi hamının bir-birinə bənzədiyini görüb, saçlarımı uzatmaq qərarına gəlmişəm. Tarixə baxsaq, 1997-ci ildə ANS televiziyasında efirə sarı və qısa saçda çıxan mən oldum. Məndən əvvəl isə qısa saçda Gülgün xanım xəbərləri aparıb. Samirə xanıma belə xoşdursa desin. Mənim o xanıma qarşı simpatiyam var. Qalmaqaldan uzaq olduğum üçün bu mövzuda çox danışmayacam".
